CLAUSURA DO OBRADOIRO DE EMPREGO

Hoxe clausurouse o Obradoiro de emprego que estabamos a realizar en colaboración cos Concellos de Irixoa ( Sede da formación teórica), Monfero (entidade solicitante da axuda da Consellería de Traballo, para a realización deste obradoiro)  e Vilarmaior.

Neste acto ademais dos Alcaldes destes municipios contamos coa presenza de Odilo Martiñá Rodríguez, Director Xeral de Traballo e Economía Social da Xunta de Galicia.

 

PROGRAMA LEADER 2014-2015

 O luns 31 de marzo de 2014, en reunión de Xunta Directiva de Mariñas – Betanzos aprobouse a apertura do prazo de presentación de solicitudes de axuda do Programa LEADER para as anualidades 2014-2015, do que se poderán empezar a recibir novas solicitudes de axuda a partir de mañá día 2 de abril e que estará aberto ata o 31 de marzo de 2015 (ou que se comprometan os fondos dispoñibles antes desta data) AGADER outorgou ao GDR Mariñas-Betanzos fondos por importe de 1.919.146,44.-€ para as dúas anualidades 2014 e 2015 (862.260,91.-€ para a anualidade 2014 e 1.056.885,53.-€ para a anualidade 2015).

Ler máis:PROGRAMA LEADER 2014-2015

OPORTUNIDADES DO SECTOR FORESTAL

XORNADA INFORMATIVA:

Impartida por técnicos de Silvanus ( Asociación Profesional de Silvicultores de Galicia) coa axuda de Ence.

O venres 28 de marzo, ás 20:00h, no local do Carballal, terá lugar unha xornada para informar dos seguintes temas:

  • Cultivo e xestión sostible e rentable do eucalipto
    • Que , como, onde e cando plantar,
    • Como  coidar o seu monte para que medre máis
    • Cando corta.
  • Perspectivas de mercado
  • Certificación de xestión forestal
  • O futuro da biomasa: oportunidades de desenvolvemento para o medio rural.

DÍA INTERNACIONAL DA ARBORE

SE RECICLAS, AFORRAS

No concello de Aranga organizouse unha campaña inormativa para os veciños/as sobre as boas prácticas a acometer na xestión do lixo.

Convocámosvos para que acudades a estas xuntanzas por que todos somos partícipes na reciclaxe, tamén nos interesa coñecer as vosas inquedanzas e recoller as propostas de mellora do servizo que se queiran facer.

 

12 DE MARZO:

16:30h. Local Social do Toxiño

18:30h. Anexo CEIP A Castellana.

19 DE MARZO:

17:00h Biblioteca de Ponte Aranga.

 

VISITA DO VICEPRESIDENTE DA XUNTA E DA DELEGADA TERRITORIAL ÓS CONCELLOS DE ARANGA E MONFERO

 

 Rueda visitou Aranga para facer balance do traballo da brigada medioambiental que comparte con Monfero grazas ao Fondo de Compensación Ambiental, gracias a este proxecto poidose contratar a 8 persoas desempregadas veciñas dos Concellos de Aranga e Monfero.

A brigada encargouse da prevención de incendios mediante tratamentos preventivos en vías, camiños e outras superficies forestais en ambos municipios. Realizaron traballos de prevención, vixilancia, extinción e control de incendios forestais; e contribuíron á recuperación do medio natural, evitando o deterioro e conservando a biodiversidade.

Compartindo este servizo, Aranga e Monfero aforraron custes, gañaron en eficiencia e ofreceron un mellor servizo aos seus cidadáns. Tres obxectivos nos que traballa a Xunta e polos que se está a discriminar positivamente nas subvencións ás entidades locais que aposten pola prestación conxunta de servizos.

O Fondo de Compensación Ambiental é unha iniciativa que o Goberno da Xunta puxo en marcha en 2010 e que permitiu que por vez primeira os concellos galegos puideran beneficiarse directamente da explotacións eólicas, posto que as actuacións que se realizan son financiadas a través do canon eólico.

Poden ler máis sobre esta nova:

http://www.xunta.es/notas-de-prensa/-/nova/0148/xunta-destaca-importancia-colaboracion-entre-municipios-para-facilitar-acceso

Información adicional